unhappy?!

同佢傾左好多野,講到眼濕濕...我知佢打左比我老公,但係唔知佢地傾咩...

近日覺得好唔開心咁...一來bb啦,驚佢比隔離屋既孖寶整到,又驚第時我返工時,

夜晚要睇佢...因為99話左唔睇,咁咪即係我睇?!我搵到工了...都算幾快下,

係日本公司黎既,大公司...做住先啦~~擔心好多野,近來晚晚失眠

心情唔多好...今晚老公去左大陸按摩...問我去唔去得,唔通唔比佢去咩...

唔知點解,我每次唔開心都好,我都唔會同佢講~~因為我知道同佢講

都係無用,只會比佢笑比佢話我多餘連星期一覆診我都無同佢講...

我地會唔會遠左d呢??我都唔知~~佢只係識話我肥既姐,有咩講呢...

個心好痛..真係好介意嗎?為你生bb而肥左咁多,我都好慘,點解佢

永遠都咁幼稚?表面既野真係咁重要咩?我唔知,只有佢自己先知!!

我都要係bb面前有自信嫁,作為老公唔支持我,反而推我去谷底,點解?

我真係唔明~係講笑?亦或講真?我覺得係真囉,佢好介意而家既我了...

我心入面而家只有bb,bb係我既第一!!

**見到bb我就咩力量都返黎~bb love you so much!!!

天氣開始凍了~~

哩兩日開始凍左~亞b因此好訓左~訓都唔願食既~比著我都會咁啦~哈哈

咁岩星期2去健康院覆診,bb無黃了~而家重7磅6~同埋我係醫生面前問

如果家中有人病要同bb保持幾多距離~醫生話如果最好更係"格離"佢地

同埋如果係小朋友病就更加唔好一齊,一來對方未打齊針~呵呵~

我當時99都係度,因為佢陪我去的~我就話99醫生都咁講呀~亞姑奶又唔

鍾意人地話佢仔女,你都唔想bb病食唔到奶嫁啦?跟住佢話同佢講~

頂,到最後咪又係無講~只係有時叫佢地做第2d野等佢地唔睇bb~

成日都係咁既~我咪只有抱住bb入房被佢地囉~唔係點姐~

咁大個人都係咁既,病緊就去掂我bb~細既唔識姐,連大人都唔識~唉~~

唔好整病我bb呀,如果唔係姑奶都無面比!!!!!!!!!!

就快滿月喇~呵呵

今日偷偷地同老公落街食飯~hehe~食完野就去左買野~我地決定左

12月2日擺滿月酒~已經通知晒所有親友了~唉~希望快d到滿月個日啦~

我日日係屋企都真係幾悶下~晚晚起2次身餵奶~又唔係幾夠訓~慘慘慘!!

希望快點同bb介夜奶,睇怕都要滿月後先得囉~~

不過最緊要係bb健康成長~聽聽話話唔好成日喊啦~要笑多d~呵呵呵~

~等我又post下bb 3星期既樣啦~bb塊面方左同埋~無再抓到塊面有抓紋喇~

yeah!!

我地過左12朝喇~~

話咁快就過左12朝喇~我已經開始食豬腳薑了...又雞酒呀之類~

死啦,我朋友探親我都話我肥左~我要快D減肥先得喇

而家BB既黃開始退喇~不過要返去CHECK囉~要去到12度先唔洗CHECK...

唉~真係日日都唔夠訓~奶水又好似唔多夠咁~來來去去都係等3安奶...

係2邊加埋喎~都無計~補奶粉囉~唔係點喎~前日小寶黎左探我,

好彩佢幫我買左手泵奶器比我,因為用電泵好痛~個胸痛到屎...泵到唔想泵,

又泵得少,又慢...而家用左手泵之後快左好多,同埋無咁痛囉~真係唔該小寶~

等我POST下BB哩幾日個樣出黎喇~同埋好多人都話BB好乖~食奶都算快~

夜晚又唔係點喊,希望日日都係咁啦~唔好一起身就喊就VERY GOOD喇~

*哩個暖爐買左$168咋~好平~原價3百幾既~好似萬0買既~好WARM嫁都~

*哩張係喊樣~好好笑~

*哩張好似係出世唔夠12個鐘影既~

*哩張係出世第3日~

*哩張係食緊人奶啊~呵呵~

*哩張開始就係過左12朝影嫁喇~

*哩張眼仔look look~

*真係大個左好多囉~~不過就成日整到塊面好多指甲印...

bb又黃喇,要入院照燈~~